कैलाश मानसरोवर यात्रा केरुङ रुट (नेपाली )

हाम्रो यात्रा सुरु गर्नु भन्दा अगाडि कुनै निश्चित ठाउँमा बसी यात्राको बारेमा सम्पूर्ण जानकारी पश्चात हाम्रो यात्रा सुरु हुनेछ।
काठमाडौं उपत्यकाको उत्तर–पश्चिम हुंदै हाम्रो बस यात्रा स्यफ्रुबेशी हुँदै टिमुरे सम्मको हुनेछ । यात्राका क्रममा, हामी सडक वरपरका सुन्दर गाउँ र शहरहरू, खोला, नाला, भिर, पाखाका बस्तिहरु हेर्दै यस रमणीय यात्रामा हामी लाङ्टाङको प्रवेशद्वार, गणेश हिमाल र तामाङ सम्पदा ट्रेलको प्रबेशद्वार छिचोल्दै आजको गन्तब्य टिमुरे सम्मको यात्रा तय गर्नेछौं।

उचाईः २७२० मिटर दूरीः १२५ किमी भोजन समावेशः दिवा खाजा, बेलुकाको खाना

बिहानको नास्ता पछि हाम्रो दोश्रो दिनको यात्रा सुरु हुनेछ। आजको यात्रामा सर्बप्रथम हामी टिमुरे देखि रसुवागढ़ी सम्मको आधा घन्टाको यात्रा हुनेछ। नेपाल–तिब्बत (चीन) सीमानामा रहेका दुबै देशमा हुने सबै अध्यागमन र भन्सारका आवश्यक औपचारिकताहरू पूरा गारी चीन तर्फ छुट्टै बसमा २५ किलोमीटरको यात्रा पार गारी आजको हाम्रो गन्तब्य केरुंग सम्म प्रस्थान गर्दछौं। केरुङ गाउँ नेपालसँगको महत्वपूर्ण व्यापारिक गाउँ पनि हो।

उचाईः ३००० मिटर दूरीः २५ किमी भोजन समावेशः बिहानको खाजा, खाजा, बेलुकाको खाना

केरुङको रमणीय तथा आरामदायी बसाई पछि, हाम्रो यात्रा सुक्खा परिदृश्य सहितको विश्वको अग्लो तिब्बती क्षेत्र हुदै अगाडि बढद्छ। यात्रारत सडकलाई पिकुत्शो भन्ने सुन्दर ताल नजिक न्यालम र ज्गाङ्मुबाट आएको सडकले जोड़दछ र यो सडकले एउटा सानो पास र पुल पार गरेपछि हामि सीधै सागा पुग्दछौं, जून गाउँ आजको हाम्रो गन्तब्य हो।

उचाईः ४१०० मिटर दूरीः २२० किमी भोजन समावेशः बिहानको खाजा, खाजा, बेलुकाको खाना

आजको यो दिन हाम्रो शरीरलाई उच्च उचाइमा वातावरण अनुकूलताको लागि समर्पित हुनेछ । आजको दिनले हामीलाई सागा गाउँ, नजिकैका बजारहरू, र गुम्बाहरू घुम्ने अवसर प्रदान गर्दछ।

उचाईः ४१०० मिटर दूरीः ० किमी भोजन समावेशः बिहानको खाजा, खाजा, बेलुकाको खाना

सागामा बिहानको नास्ता पछि हाम्रो यात्रा तिब्बती मैदानहरूको लामो विस्तार, गाउँहरू, याक गोठालाहरूको शिविरहरू र उचाईमा रहेका पासहरु पार गर्दै, प¥याङको गाउँमा पुग्नेछौं। त्यहाँबाट पनि मायूम्ला पास काटि होर्चु सहर हुँदै मानसरोवर तालको लागि हाम्रो यात्रा जारी रहन्छ। साँझमा, पवित्र मानसरोवर तालको रमणीय तथा अद्भुत दृश्यहरूले हामीलाई स्वर्गीय आनन्द प्राप्त हुनेछ । यिनै मनोरम तथा वैधिक दृश्यहरु सँगै यस तालको केहि भागको परिक्रमा गर्दैे आजको हाम्रो यात्रा मानसरोवर तालको च्युगुम्बामा टुङ्गिनेछ।

उचाईः ४५६० मिटर दूरीः ४७५ किमी भोजन समावेशः बिहानको खाजा, खाजा, बेलुकाको खाना

बिहानको पहिलो प्रहरमा मानसरोवर तालमा पवित्र स्नान गरि पूजा पाठ तथा हवन गरिनेछ। तत् पश्चात दिवा खान पछि यस तालको बाँकि परिक्रमा गर्दै कैलाश पर्वतको आधार शिविर भनेर चिनिने दर्चेन पुगिने छ।

उचाईः ४५६० मिटर दूरीः ३५ किमी भोजन समावेशः बिहानको खाजा, खाजा, बेलुकाको खाना

दार्चेनमा बिहानको खाजा पछि, १५ मिनेटको बस यात्रामा थारबोचे (शेरसोङ) पुग्दछौं। जहाँ हामी येमराजको द्वार भनेर चिनिने यम द्वार लाई परिक्रमा संगै द्वार भित्र प्रवेश गरेर हाम्रो कैलाश पर्वतको परिक्रमा आरम्भ गर्दछौ। बाटोमा यम द्वारको दर्शन गर्नाले मृत्युको डर हट्छ र यात्रा बिना समस्या अगाडि बढ्छ भन्ने विश्वास छ। आजको यात्रा हामी दिराफुक सम्मको तय गर्दछौ। बाटोमा, कैलाश पर्वतको पश्चिम र उत्तरको भागको दर्शनका साथै यात्रामा ओरपराका प्राकृतिक मनोरम दृश्यहरुले हाम्रो यात्रालाई रोमान्चित बनाउँदछ। हामि दिराफुक पुग्दा, लजको अगाडि कैलाश पर्वतको पूर्ण लिङ्गको दर्शनको आनन्द लिनेछौं। यदी, छोटो समयमा दिराफुक सम्मको यात्रा गर्न सके हामी कैलाश पर्वतको चरण स्प्रश सम्म पूगि दर्शन गर्ने मौकापनि पाउन सक्छौ।

उचाईः ४८०० मिटर, दूरी ः २२ किमी, खाना समावेशः बिहानको खाजा, खाजा, बेलुकाको खाना

दिराफुकमा विहानको नास्ता र कैलाश पर्वतको पूजाआजा गरी हामी यस यात्राकै सबैभन्दा कठिन पैदल यात्रा जुथुलफुक सम्मको यात्रामा अगाडी बढदछौं । यो यात्राको चुनौती भनेको ५६७० मिटर उचाइमा रहेको डोल्मा–ला हो। डोल्मा–ला उक्लिने क्रममा हामी गणेश पर्वत तथा गणेश कुण्डको दर्शन गर्नेछौं। डोल्मा–लामा छोटो विश्राम पछि हाम्रो यात्रा क्रमश तल ओर्लनेछ। तल ओर्लँदा गौरी कुण्डको अद्भुत दृश्य र दर्शन गर्ने मौका मिल्दछ र दर्शन संगसंगै हामी जुथुलफुक सम्मको यात्रा तय गर्दछौ।

उचाईः ४६०० मीटर, दूरी ः १८ किमी, खाना समावेशः बिहानको खाजा, खाजा, बेलुकाको खाना

बिहानको खाजा पछि, हाम्रो पैदल यात्रा करिब ३ घण्टा सम्मको रहनेछ र मणि पर्खालमा समाप्त हुनेछ। हामीलाई पर्खिरहेको गाडीले त्यहाँबाट दिवा खानाको लागि दार्चेन पुर्योउने छ। खाना पछि, हाम्रो यात्रा फेरी मानसरोवर ताल हुँदै सागा गाउँमा पुगी समाप्त हुनेछ।

उचाईः ४१०० मिटर दूरीः ५०० किमी भोजन समावेशः बिहानको खाजा, खाजा, बेलुकाको खाना

बिहानीको खाजा पछि हाम्रो यात्रा फेरी उही आएको बाटो हुदै केरुङ फर्कन्छ र आवश्यक अध्यागमन प्रक्रिया पुरा गरि नेपाल प्रवेश गरे संगै रसुवागढीमा नेपाल तर्फको बसमा हाम्रो यात्रा काठमाडौँ सम्म रहनेछ र यहि यात्रा संग संगै हाम्रो यस पबित्र कैलाश तथा मानसरोवर तालको तिर्थ यात्रा समाप्त हुनेछ।

उचाईः १३३७ मिटर दूरीः ३७० किमी भोजन समावेशः बिहानको खाजा, दिवा खाना